ԱՄՆ Պետքարտուղարությունը Փաշինյանից պահանջել է կարճ ժամանակում հայ-իրանական սահմանից հանել ռուսներին․ Սուրեն Սուրենյանց

ԱՄՆ Պետքարտուղարությունը Փաշինյանից պահանջել է կարճ ժամանակում հայ-իրանական սահմանից հանել ռուսական զորքը։

«Կիզակետում Արկադի Գրիգորյանի հետ» հաղորդման ժամանակ ասել է «Դեմոկրատական այլընտրանք» կուսակցության նախագահ Սուրեն Սուրենյանցը․

«Ես ունեմ նման ինֆորմացիա արևմտյան դիվանագիտական խողովակներով։ Եթե ստում եմ, իշխանությունները թող հերքեն։

Պետքարտուղարության այդ պահանջին հաջորդել է ՀԱՊԿ-ի մասին Փաշինյանի վերջին հայտարարությունը։ Ամերիկացիներն անթաքույց զբաղված են միջին միջանցքի լոբբինգով, որը Տրանսկասպյան ճանապարհն է։ Օբրայենն անկեղծ ասաց, որ նախագծի նպատակն է Կենտրոնական Ասիայում և Հարավային Կովկասում նվազեցնել Չինաստանի, Իրանի ու ՌԴ ազդեցությունը։

Փաշինյանի առջև դրված պահանջը կարող եք տեղավորել սրա ու պահնորդական մասնավոր ընկերության մասին խոսակցությունների շրջանակում»,- նշել է քաղաքագետը։

Հարցազրույցն ամբողջությամբ՝ տեսանյութում․