China Open․ Էլինա Ավանեսյանը մեկնարկեց հաղթանակով

Հայ թենիսիստուհի Էլինա Ավանեսյանը հաղթանակով է մեկնարկել Չինաստանի մայրաքաղաք Պեկինում WTA-500 շարքի China Open մրցաշարում։

Աշխարհի 47-րդ ռակետը ուժեղ է գտնվել ամերկուհի մրցակցուհուց՝ Էմինա Բեքթասից (WTA-ի դասակարգման 117-րդ հորիզոնական):

Պայքարը տևել է 1 ժամ 29 րոպե։ Էլինան հաղթել է 6:2, 7:5 հաշվով։

Նշենք, որ երկրորդ շրջանում Էլինայի մրցակիցը կլինի աշխարհի 5-րդ ռակետ լատվիացի Ելենա Օստապենկոն։