Արթիկում, դեռևս անհայտ հանգամանքներում, «KamAZ»-ը կողաշրջվել է․ 1 հոգի տեղափոխվել է հիվանդանոց

Այսօր՝ սեպտեմբերի 20-ին, ավտովթար է տեղի ունեցել Շիրակի մարզում:

Ժամը 14:50-ի սահմաններում Արթիկ քաղաքի Սակաձե փողոցում, դեռևս անհայտ հանգամանքներում, «KamAZ» մակնիշի ավտոմեքենան կողաշրջվել է: 

Shamshyan.com-ի տեղեկություններով, վթարի հետևանքով վարորդը բժշկական հետազոտման նպատակով տեղափոխվել է «Արթիկ» բժշկական կենտրոն:

Վթարի փաստով քննչական բաժնում նախաձեռնվել է քրեական վարույթ, որտեղ էլ պարզվում է հիվանդանոց տեղափոխված վարորդի ինքնությունը: