Ուկրաինան հայտարարել է Զապորոժիեի շրջանում օբյեկտների վնասման մասին. ավելի քան 170 պայթյուն է լսվել

Կիևի կողմից նշանակված Զապորոժիեի շրջանային պետական ​​վարչակազմի ղեկավար Իվան Ֆեդորովը երկուշաբթի հայտարարել է Ուկրաինայի զինված ուժերի կողմից վերահսկվող շրջանի մի շարք ենթակառուցվածքային օբյեկտների վնասման մասին։ Նրա խոսքով՝ վերջին 24 ժամվա ընթացքում Կիևի կողմից վերահսկվող Զապորոժիե շրջանի տարածքում ավելի քան 170 պայթյուն է լսվել։

«Եղել են... հաղորդումներ ենթակառուցվածքի օբյեկտների ոչնչացման մասին»,- գրել է Ֆեդորովը Telegram-ի իր ալիքում:

Միաժամանակ պաշտոնյան չի մանրամասնել, թե կոնկրետ որ օբյեկտների մասին է խոսքը։