ՀՀ ԱԱԾ–ն տնտեսումներ է արել և ավելի քան 151 մլն դրամի վերաբաշխում կատարել

ՀՀ ազգային անվտանգության ծառայությունը 2024 թվականին իրականացրած գնումների արդյունքում տնտեսումներ է արել և 151 մլն 927.70 հազար դրամի չափով միջոցներն ուղղել ՀՀ կառավարության պահուստային ֆոնդ ու կատարել վերաբաշխում։ Որոշումն հաստատվեց ՀՀ կառավարության այսօրվա նիստի ժամանակ։

Նշվում է, որ գումարն ուղղվելու է 2023 թ. պետական բյուջեով նախատեսված օբյեկտների շինարարական և վերանորոգման աշխատանքների ավարտական փուլերի իրականացմանը:

Կառավարությունից հայտնում են, որ հետախուզության, հակահետախուզության և ահաբեկչության դեմ պայքարի ուղղություններով տեսանելի և գոհացուցիչ արդյունքների հասնելու համար գերակա խնդիր է, որպեսզի ազգային անվտանգության մարմինները տեխնիկապես վերազինված լինեն որակյալ նոր կադրերով և համալրված անհրաժեշտ մասնագետներով: