Որ օրը քաղաքական իրական այլընտրանք առաջացավ, Փաշինյանի «մերկությունը» բացահայտ կդառնա. Սուրեն Սուրենյանց

Սուրեն Սուրենյանցը գրում է. «Որ օրը քաղաքական իրական այլընտրանք առաջացավ, Փաշինյանի «մերկությունը» բացահայտ կդառնա

Երբ պարբերաբար պնդում եմ, որ Նիկոլ Փաշինյանը չունի վստահության ռեսուրս՝ խոսքն այն մասին չէ, որ նա առհասարակ չունի կողմնակիցներ:

Մեր հասարակության մեջ կա մի շերտ(իմ գնահատմամբ՝ մոտ 20%), որը կրթական ու սոցիալական շատ ցածր ցենզ ունի:
Ահա, սա է Փաշինյանի էլեկտորատը:

Բայց այս մարդիկ ոչ այնքան խանդավառված են Փաշինյանի քաղաքականությամբ, որքան զարմացած են, որ իրենցից մեկը կարող է իշխանության ղեկին լինել:

Այդ «զարմանքի» էֆեկտն է Փաշինյանին ու այս մարդկանց «կապը»:

Այդ մարդիկ չեն ընդվզելու, Փաշինյանի համար «դոշ» չեն տալու, եթե մի օր նա զրկվի իշխանությունից. ընդամենն անիծելու են իրենց բախտը, որ իրենց տեսակը վերադարձավ բնական մարգինալ վիճակ:

Ասածս ինչ է. որ օրը քաղաքական իրական այլընտրանք առաջացավ, Փաշինյանի «մերկությունը» բացահայտ կդառնա»։