Նոր մահացու վիրուսը սկսել է տարածվել ամբողջ Եվրոպայում

Օրոպուշ տենդը, որի դեմ պատվաստանյութ չկա, հասել է Եվրոպա. Այս մասին հայտնում է The Telegraph-ը՝ հղում անելով Հիվանդությունների կանխարգելման և վերահսկման եվրոպական կենտրոնի տվյալներին։

Վերջին երկու ամսվա ընթացքում եվրոպացի բնակիչների մոտ գրանցվել է պոտենցիալ մահացու նոր վիրուսով վարակվելու 19 դեպք։ Տասներկու դեպք գրանցվել է Իսպանիայում, հինգը՝ Իտալիայում և երկուսը՝ Գերմանիայում։ Վիրուսը ծագել է Լատինական Ամերիկայից։ Մինչ այժմ դեպքերի մեծ մասը գրանցվել է Բրազիլիայում, սակայն վիրուսը սկսել է տարածվել նաև Բոլիվիայում, Կոլումբիայում, Պերուում և Կուբայում։

Հիվանդության հիմնական ախտանշաններն են՝ ջերմություն, ցան, գլխացավ, մկանային և հոդացավ։ Երբեմն հիվանդները դժգոհում են փորլուծությունից, սրտխառնոցից և փսխումից, ինչպես նաև լուսազգայունությունից:

Պետք է անպայման սկսենք անհանգստանալ։ Ամեն ինչ փոխվում է, և շուտով վիրուսը կարող է անկասելի լինել։ Մենք դեռ այնքան էլ չգիտենք Օրոպուշի տենդի մասին, որպեսզի կանխատեսենք, թե ինչ անակնկալներ այն կարող է բերել: 

Հայտնի է, որ վիրուսը տարածվում է միջատների՝ մրջույնների և մոծակների խայթոցների միջոցով։ Օրոպուշ տենդը պատկանում է հիվանդությունների նույն ընտանիքին, ինչ Զիկա վիրուսը և դենգե տենդը։ Երկու հիվանդություններն էլ կարող են մահացու լինել: