Ծանոթ ու միաժամանակ անհայտ… դիմափոշի

Այսօր դիմափոշի կարելի է գտնել ցանկացած կնոջ դիմահարդարման պայուսյակի մեջ, նույնիսկ եթե անգամ նա չի սիրում դիմահարդարումը: Պարզապես օգտագործելով այդ միջոցը,  կարելի է արագորեն ծածկել մաշկի բոլոր թերությունները:

Դիմափոշու պատմությունը սկսվել է հին ժամանակներից: Չգիտես ինչու համարվում է, որ առաջինը դիմափոշի սկսել են օգտագործել հին եգիպտացիները, չնայած, իրականում, աշխարհի տարբեր ծայրերում մարդիկ օգտագործել են դիմափոշի չար ոգիներին վախեցնելու համար: Բացի դա դիմափոշու օգնությանն են դիմել  իրենց սոցիալական կարգավիճակը թաքցնելու կամ, հակառակը, ցույց տալու համար: Այն օգտագործելը համարվել է վերին դասին պատկանելու նշան: Ի վերջո, գունատ մաշկը հանդիսանում է հենց արիստոկրատական դասի խորհրդանիշ, և դրա վկայությունն են  հնագետների պեղումների ընթացքում հայտնաբերված դիմափոշի պահելու ապակե ամանները: Եգիպտացիները դիմափոշի են պատրաստել սպիտակ կավից, որը նրանք նախ չորացրել են, իսկ հետո փոշի սարքելով պահեստավորել: Կլեոպատրայի համար այդ դիմափոշին ստացել են կոկորդիլոսի արտազատուկներից: Հին Հռոմի կանայք կավիճի և կապարի սպիտականյութից են դիմափոշի պատրաստել:

Թանկ դիմափոշի է համարվել ցորենի կամ լոբու հատիկներիից ստացված ալյուրի խառնուրդը, իսկ դրա էժան և մատչելի տարբերակը ներառել է իր մեջ գարու խմոր և ձու: Դիմափոշու օգտագործումը նորաձևությունից դուրս է եկել միջնադարում, և հետագայում դա օգտագործել են միայն դերասաններն ու մարմնավաճառները: Դիմափոշու պատմության մեջ ժողովրդականության նոր փուլ է սկսվել 17-րդ դարում: Կանայք սկսել են դա օգտագործել  իրենց տարիքը թաքցնելու նպատակով, իսկ ժողովրդականության գագաթնակետը եղել է Ֆրանսիայի թագավոր Լյուդովիկոս 14-րդի ժամանակ: Այդ ժամանակ նույնիսկ Մարկիս դե Պոմպադուրի կողմից մոդայիկ դարձված հսկայական կեղծամները ցանվել են դիմափոշով: Մարդիկ դիմափոշին խնայելու նպատակով շաբաթներով չեն լվացվել, քանի որ այդ ժամանակ գեղեցկությունն ավելի կարևոր էր, քան անձնական հիգիենան:

Ռուսաստանում դիմափոշի հայտնվել է Պետրոս Մեծի ջանքերի շնորհիվ, որն ամեն կերպ փորձում էր ընդօրինակել եվրոպացիներին: Դերասանների շնորհիվ դիմափոշին 20-րդ դարում էլ ավելի է նորաձև դարձել: Մի քանի տասնամյակի ընթացքում հեղափոխական փոփոխություններ են տեղի ունեցել դիմահարդարման ապրանքների արտադրության մեջ: Անգլիական «Laughton & Sons» ընկերությունը 1923 թվականին սկսել է դիմափոշի արտադրել կոմպակտ փաթեթով և սպունգով: Հոլիվուդյան դիմահարդար Մաքս ֆակտորը դիմափոշուն տվել է տոնայինության հիմք և դարձրել այնպիսին, որ հնարավոր է դարձել դրա օգտագործումը ամեն օր: Ապրանքը ստացել է «Պէյ Կեյկ» անվանումը: Ամենաէժան դիմափոշին հորինել է Հելենա Ռուբինշտեյնը:

Իսկ դեռևս 1940-ականների սկզբին Էլիզաբեթ Արդենը դիմափոշու և դիմահարդարման այլ ապրանքների արտադրություն է կազմակերպել: Եվ այդպեսշ դիմափոշին դարձել է ցանկացած կնոջ պայուսյակի պարտադիր տարր:

Կ․Խաչիկյան