Իսրայելական զորքերը հարձակվել են Դեյր ալ-Բալահի դաշտային հոսպիտալի վրա. առնվազն 18 մարդ է զոհվել

Իսրայելական զորքերը հարձակվել են Գազայի հատվածի Դեյր էլ-Բալահի Խադիջա դպրոցի դաշտային հիվանդանոցի վրա, ինչի հետևանքով զոհվել է առնվազն 18 մարդ, հայտնում է Al Jazeera-ն։ Նշվում է, որ տասնյակ մարդիկ վիրավորվել են։ Լրատվամիջոցների հաղորդմամբ՝ հղում անելով Գազայի կառավարության մամուլի ծառայությանը, իսրայելական կործանիչները երեք հրթիռ են արձակել այս օբյեկտի ուղղությամբ։

«Մենք ամենախիստ ձևով դատապարտում ենք իսրայելական օկուպացիայի կողմից իրականացված սարսափելի ջարդը դաշտային հիվանդանոցի վրա, որը բժշկական ծառայություններ է մատուցում տասնյակ հիվանդների և վիրավորների, որոնք բոլորը խաղաղ բնակիչներ են», - ասվում է հայտարարության մեջ: