Շեֆ-խոհարարը բացահայտել է անսովոր մարինադով իսկական հայկական խորովածի բաղադրատոմսը
ՀԱՍԱՐԱԿՈՒԹՅՈՒՆ
Հայաստանից ժամանած խոհարարը բացահայտել է անսովոր մարինադով, իր կարծիքով, ամենահամեղ խորովածի բաղադրատոմսը, գրում է ktv-ray.ru-ն։ 45-ամյա Արմենը, ով այժմ ապրում է Սիզրանում, ի ծնե իրեն խորոված պատրաստող է անվանում, քանի որ հայրենիքում գրեթե ամեն օր էին դրանից ուտում։
-Մեր տուն անընդհատ հյուրեր էին գալիս։ Մի քանի օրով էին գալիս, ամեն օր խորոված էինք պատրաստում։ Ամենակարևորը լավ միս ունենալն է։ Խորովածի համար անհրաժեշտ է գառան միս։ Բայց կարելի է նաև գնել խոզի վիզ կամ ոսկորով գոտկատեղ»,- KTV-LUCH-ին ասել է Արմենը:
Միսը պետք է մաքրվի թաղանթներից և ջլերից։ Հաճախ խորոված պատրաստողը երկու կիլոգրամ խոզի մսից հանում է 600 գրամ անորակ միս։ Խորովածի երկրորդ կարևոր բաղադրիչը համեմունքներն են։ Ըստ Արմենի մսի համար լավագույնս համապատասխանում են կատվախոտը (չաման), կարմիր պապրիկան, պրովանսյան խոտաբույսերն ու ռեհանը։
- Ես սոխ չեմ օգտագործում, քանի որ այն թթու է արտադրում և սպանում մսի համը։ Այո, սոխը միսը դարձնում է փափուկ, բայց թթու։ Դա իմ կարծիքն է: Մարինադի համար սոխի փոխարեն օգտագործում եմ երեք աստղանի կոնյակ կամ գազավորված ջուր, որը շատ գազ ունի,- ասել է խորովածագետը։
Արմենը երկու բաժակ կոնյակը խառնում է մսի ու համեմունքների հետ ու մի քանի ժամ թողնում, որ մարինացվեն։ Նա ավելացնում է ոչ ավելի, քան 9 գրամ աղ մեկ կիլոգրամ մսի համար, չնայած խոհարարական գրքերում խորհուրդ է տրվում 12-13 գրամ աղ:
-Ածուխի ջերմությունը կրակի հետ չպետք է լինի։ Շամփուրները պետք է լինեն ածուխներից 12-14 սմ բարձրության վրա։ Եթե ածուխները սկզբում շատ են կարմիր, ապա չի կարելի խորովածը վրեն դնել, պետք է մի փոքր սպասել, մինչև ածուխները ծածկվեն սպիտակավուն փառով, ինչպես փրփուրը: Այդ դեպքում միսը չի այրվի,-վստահեցրել է Արմենը։
Վերջում նա զգուշացրել է, որ յուրաքանչյուր հայ ունի խորովածի իր բաղադրատոմսը, և երբ մարդիկ հանդիպում են, միշտ վիճում են այդ ուտեստի պատրաստման ձևերի շուրջ։
Նյութը հրապարակման պատրաստեց Կամո Խաչիկյանը
