Բելգորոդի մարզում 14 բնակավայրեր մուտքն արգելված է

Բելգորոդի մարզի իշխանությունները հուլիսի 23-ից սահմանափակում են մուտքը 14 բնակավայրեր՝ լարված օպերատիվ իրավիճակի պատճառով, հայտարարել է շրջանի նահանգապետ Վյաչեսլավ Գլադկովը։

Մուտքերի մոտ տեղադրվելու են անցակետեր, արգելվելու է հասարակական տրանսպորտի մուտքն այդ բնակավայրեր։ Այնտեղ հասնելու համար անհրաժեշտ է դիմում ներկայացնել, և ներս կթողնեն միայն չափահաս տղամարդկանց, որոնք կրում են զրահաբաճկոններ և զինվորականների ուղեկցությամբ:

«Հուսով եմ՝ կհամաձայնեք, որ անընդունելի է կանանց և երեխաներին ամեն օր հրետակոծվող բնակավայրեր թույլ տալը», - ասել է Գլադկովը:

Այս բնակավայրերի ամբողջական ցանկը գտնվում է Վյաչեսլավ Գլադկովի հեռագրային հաղորդագրության մեջ։