Կյանքից հեռացել է Պելեի մայրը. նա այդպես էլ չիմացավ Պելեի՝ կյանքից հեռանալու մասին
![Կյանքից հեռացել է Պելեի մայրը. նա այդպես էլ չիմացավ Պելեի՝ կյանքից հեռանալու մասին](/timthumb.php?src=disc/24-06-24/1debabf71acf80869167da8f74b8fcfe.jpg&w=780)
Հայտնի է դարձել Պելեի մոր՝ Սելեստ Արանտեսի մահվան մասին։ Նա մահացել է 101 տարեկանում, հայտնում է Associated Press-ը։
Վերջին հինգ տարիներին կինը գտնվում էր վեգետատիվ վիճակում (հիվանդություն, որն առաջանում է, երբ ուղեղի կիսագնդերը դադարում են գործել-Խմբ.) և այդպես էլ չի իմացել որդու մահվան մասին։
Սելեստ Արանտեսը երեք երեխա ուներ։ Սկզբում կինը դեմ էր, որ Պելեն պրոֆեսիոնալ ֆուտբոլ խաղա։ Սակայն երբ նա սկսեց ժողովրդականություն ձեռք բերել, Արանտեսը փոխել է իր միտքը, նշում է հրատարակությունը։
Պելեն պատմության մեջ միակ ֆուտբոլիստն է, ով որպես խաղացող երեք անգամ հաղթել է աշխարհի առաջնությունը (1958, 1962 և 1970 թվականներին):
Ֆուտբոլային աստղը մահացել է 2022 թվականի դեկտեմբերի 29-ին։ Նա 82 տարեկան էր։