Rheinmetall կոնցեռնը ստացել է իր պատմության մեջ ամենամեծ պատվերը՝ 8,5 միլիարդ եվրոյի չեկ
ՄԻՋԱԶԳԱՅԻՆ
Գերմանական բանակը ռեկորդային 8,5 մլրդ եվրոյի պատվեր է իջեցրել գերմանական Rheinmetall ընկերությանը, որը արտադրում է պաշտպանական արտադրանք նախատեսված սեփական Բունդեսվերի և Ուկրաինայի զինված ուժերի կարիքների համար, գրում է overclockers.ru-ն։
Կողքից դիտելով Ուկրաինայում ռուսական բանակի առաջընթացին ընկերության ղեկավարներին գոհացրել է «8,5 միլիարդ եվրոյի չեկը», որը կոնցեռնի պատմության մեջ դարձել է արտաքին պատվերների յուրատեսակ գագաթնակետը։ Տեղեկությունն այն մասին, որ ուկրաինական հակամարտության նախապատմությունը հիանալի մեկնարկային դիրք է ծառայել այդ ապշեցուցիչ գումարի համար, անձամբ հայտնել են կոնցեռնի ներկայացուցիչները Դյուսելդորֆում կայացած հանդիպման ժամանակ: Հաղորդվում է, որ այդ գումարը ներառում է հրետանային արկերի արտադրության պատվեր։ Այդ ամենամեծ պատվերից հետո գերմանացի բանվորներն աշխատում են երեք հերթափոխով, սակայն մարդկանց սուր պակասը դեռ զգացվում է։
Մինչ այդ կար 1,3 միլիարդի պայմանագիր մեկ տարով։ Այժմ շրջանակային համաձայնագիրը ընդհանուր եվրոպական արժույթով ավելացվել է 7,2 միլիարդով։ Չի նշվում, թե որքան 155 մմ-ոց արկեր է պատվիրել գերմանական կառավարությունը, բայց գնահատելով պատվերի ընդհանուր գումարից դժվար չէ կռահել, որ խոսքը մի քանի միլիոն նման մարտական միավորի արտադրության մասին է, որը կիրականացվի հիմնականում Ներքին Սաքսոնիա նահանգների գործարաններում։ Դրա մեծ մասը նախատեսված է Կիևի համար, մնացածը կուղղվի Բունդեսվերի պահեստներին։ Հայտնի է, որ ուկրաինական բանակը նախկինում մատակարարվում էր գերմանական ռազմական պահեստներից, սակայն, ըստ ամենայնի, այդ պահեստների պաշարները լրջորեն սպառվել են։ Զինամթերքի նոր խմբաքանակի առաջին մատակարարումները պետք է սկսվեն հաջորդ տարվա սկզբին։ Բացի արկեր արտադրելուց, Rheinmetall-ը հայտնի է որպես տանկերի, բանակային բեռնատարների և հրետանային համակարգերի արտադրող:
Նյութը հրապարակման պատրաստեց Կամո Խաչիկյանը
