Չորրորդ բանակային զորամիավորումն ուսումնական փուլի ընթացքում արձանագրել է էական առաջընթաց
ՀԱՍԱՐԱԿՈՒԹՅՈՒՆ
ՀՀ պաշտպանության նախարարության 4-րդ բանակային զորամիավորումն օրերս ամփոփել է 2017 թ. ուսումնական տարվա առաջին եռամսյակում իրականացված աշխատանքների արդյունքները: Ռազմական խորհրդի նիստում բանակային զորամիավորման հրամանատար, գնդապետ Վալերի Քոչարյանը նախ ներկայացրել է զորամիավորման մարտական և զորահավաքային պատրաստականության վիճակը, մարտական կիրառման խնդիրներն ու մարտական հերթապահության կարգը: Գնդապետ Քոչարյանն անդրա դարձել է նաև զինվորական կարգապահության ամրապնդման հարցերին` առանձնակի կարևորելով անձնակազմի բարոյահոգեբանական վիճակն ամրապնդելու ուղղությամբ կատարված միջոցառումները:
Ինչպես տեղեկացրին ՀՀ պաշտպանության նախարարության տեղեկատվության և հասարակայնության հետ կապերի վարչությունից, ներկայացնելով զորամիավորման սպառազինության և ռազմական տեխնիկայի պահպանման ու շահագործման վիճակը, զորամիավորման հրամանատարը շեշտել է, որ ուսումնական փուլի ընթացքում արձանագրվել է էական առաջընթաց: Դրական առաջընթաց կա նաև թիկունքային ապահովման աշխատանքներում: Եռամսյակի ընթացքում արձանագրված հաջողություններին զուգահեռ` գնդապետ Քոչարյանը մատնանշել է դեռևս առկա թերություններն ու տ վել համապատասխան ցուցումներ` դրանք բացառելու համար:
Ռազմական խորհրդի նիստի ավարտին խրախուսվել են զինվորական ծառայության և մարտական հերթապահության ընթացքում առավել աչքի ընկած մի շարք զինծառայողներ:
