10 հոգու առևшնգել են. փորձում են Դաշնակցության վրա ճնշnւմներ գործադրել, բայց դա չի գործելու. Իշխան Սաղաթելյան
ՔԱՂԱՔԱԿԱՆՈՒԹՅՈՒՆ
Երեկ համացանցում տարածվել է ինչ-որ ձայնագրություն, պարզ չի ում կողմից, որի արդյունքում քննչական մարմինները հարուցել են քրեական գործ և այսօր առավոտից խուզարկություններ են սկսվել Վայքի և Եղեգնաձորի Դաշնակցության գրասենյակներում:
Այս մասին լրագրողների հետ զրույցում ասաց ՀՅԴ ԳՄ անդամ Իշխան Սաղաթելյանը:
«Վայոց ձորի մեր անդամներին՝ շուրջ 10 հոգի, ձերբակալել են: Կարող եմ ասել՝ մարդկանց առևանգել են, գտնվելու վայրերը շատ մեծ դժվարությամբ ենք կարողանում իմանալ, փաստաբաններն էլ չեն կարողանում իմանալ, իրենց կարճ խելքով փորձում են ինչ-որ ցուցմունքներ կորզել՝ չհասկանալով, թե ում հետ գործ ունեն: Նույնիսկ մեզ տեղեկություն չեն տրամադրում, թե առևանգված մեր ընկերները որ բաժիններում են գտնվում:
Մեր պատգամավորները այս պահին գտնվում են մարզում, փորձում են տեղերը ճշտել, անընդհատ խոչընդոտներ են ստեղծում թե՛ պատգամավորների, թե՛ փաստաբանների համար: Ակնհայտ է, որ կուսակցությունը թիրախավորված է, փորձում են այս նպատակով , կեղծ գործերով ճնշումներ գործադրել, բայց Դաշնակցության վրա դա չի ազդում, սա ոչ վերջինն է, ոչ առաջինը»,-նշեց Սաղթելյանը:
«Բագրատ Սրբազանի առաջնորդած շարժումը փաստելա շատ կարևոր 2 բան, նախ փաստելա, որ հայ ժողովուրդը Նիկոլի հերթական երկիրը հանձնելու օրակարգին դեմ ա և հաշտ չի, երկրորդը՝ փաստելա, որ Նիկոլը այլևս չունի լեգիտիմիություն և առհասարակ մեր ժողովուրդի հետ կապ չունի և երրորդ փաստելա, որ այս մարդը իր իշխանությունը պահելու համար պատրաստ է արյուն թափել, բռնությունների գնալ»,-նշեց Սաղթելյանը:
