Հրդեհ՝ Երևանում. Կոմիտասի շենքերից մեկում առաջացած կրակը տեսանելի է մի քանի հարյուր մետրից

Այսօր՝ հունիսի 14-ին, խոշոր հրդեհ է տեղի ունեցել Երևանում:

Ժամը 17:25-ի սահմաններում ՀՀ ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Կոմիտասի պողոտա 49/4 շենքի 6-րդ հարկից կրակ և ծուխ է նկատվում:

Թե ինչն է եղել հրդեհի պատճառը՝ պարզվում է:

Shamshyan.com-ի տեղեկություններով, տեղում մի տղամարդ որը ներկայացել է բնակարանի  սեփականատեր ասում էր որ հրդեհի պատճառը 3 կիլոգրամանոց գազաբալոն է եղել, ունեցել է գազի արտահոսք, ապա պայթել է ու սկսվել է կրակ առաջանալ, ինչը շատ արագ տարածվել է:

Ժամանել են նաև ոստիկանության Արաբկիրի բաժնի հերթապահ խումբը՝ օրվա պատասխանատու հերթապահի գլխավորությամբ:

Դեպքի փաստով ոստիկանության Արաբկիրի բաժնում փաստաթղեր են ձևակերպվում, որտեղ էլ պարզվում է բնակարանի սեփականատիրոջ ինքնությունը, ինչպես նաև՝ արդյոք հրդեհի հետևանքով տուժած կամ տուժածներ կան: