Կարևոր՝ ԼՂ-ից բռնի տեղահանվածների համար

Այսօր՝ հունիսի 14-ին, վարչապետ Նիկոլ Փաշինյանի գլխավորությամբ մեկնարկել է կառավարության հերթական նիստ։ Նիստի օրակարգում է ընդգրկված 58 հարց, որից 55-ը չեն զեկուցվում, ևս երեք հարց էլ գաղտնի է հանդիսանում։

Քիչ առաջ ՀՀ աշխատանքի և սոցիալական հարցերի փոխնախարար Դավիթ Խաչատրյանը տեղեկացրեց, որ հունիսի 17-ից կսկսվի Լեռնային Ղարաբաղից բռնի տեղահանված ընտանիքների բնակարանային ապահովման պետական աջակցության ծրագրին մասնակցելու դիմումների ընդունումը։

Դիմումները կընդունվեն բացառապես առցանց եղանակով, որից հետո ծրագրին մասնակցող ընտանիքներին էլեկտրոնային եղանակով կուղարկվի համապատասխան հավաստագիրը։ Առաջին փուլով աջակցություն են ստանալու երեք և ավելի անչափահաս երեխա ունեցող, ինչպես նաև զոհվածների ընտանիքների անդամները, առաջին ու երկրորդ կարգի հաշմանդամություն ունեցողները։