«Եթե Պուտինը կարծում է՝ կարող է հաղթել Ուկրաինային աջակցող կոալիցիային, ապա սխալվում է». ԱՄՆ-ն և Ուկրաինան անվտանգության 10-ամյա համաձայնագիր կստորագրեն
ՔԱՂԱՔԱԿԱՆՈՒԹՅՈՒՆ
ԱՄՆ-ի և Ուկրաինայի նախագահներ Ջո Բայդենը և Վլադիմիր Զելենսկին հինգշաբթի՝ հունիսի 13-ին, Իտալիայում G7-ի ղեկավարների հանդիպման շրջանակւմ անվտանգության 10-ամյա համաձայնագիր կստորագրեն։ Այս մասին լրագրողների հետ զրույցում ասել է Սպիտակ տան ազգային անվտանգության հարցերով խորհրդական Ջեյք Սալիվանը, գրում է The Guardian-ը։
Ակնկալվում է, որ որպես համաձայնագրի մաս, Միացյալ Նահանգները պարտավորվում է երկարաժամկետ աջակցել Ուկրաինային, ասել է Սալիվանը:
«Ստորագրելով այս համաձայնագիրը՝ մենք նաև ազդանշան կուղարկենք Ռուսաստանին մեր վճռականության մասին։ Եթե Վլադիմիր Պուտինը կարծում է, որ կարող է հաղթել Ուկրաինային աջակցող կոալիցիային, ապա սխալվում է»,- հավելել է նա։
Միևնույն ժամանակ, Սալիվանը նշել է, որ համաձայնագիրը կներառի «ուկրաինական բարեփոխումների պարտավորությունները» և Միացյալ Նահանգների կարողությունը՝ «վերահսկելու իր կողմից մատակարարվող զենքի վերջնական օգտագործումը»:
