Գնել Սանոսյանն այցելել է հեղեղից ջրածածկ եղած Քարկոփ բնակավայր (լուսանկարներ)

ՀՀ տարածքային կառավարման և ենթակառուցվածքների նախարար Գնել Սանոսյանն այցելել է Լոռու մարզի Քարկոփ բնակավայր:

«Այսօր այցելել եմ Քարկոփ բնակավայր, որն աղետի առաջին օրն ամբողջությամբ ջրածածկվել էր, իսկ բնակիչները տարհանվել էին։

Բնակավայրում արդեն իրականացվում են տիղմից մաքրման աշխատանքներ։

Զրուցել եմ բնակիչների հետ, քննարկել ենք վնասները։ Պատասխանել եմ նրանց հուզող հարցերին»,-ֆեյսբուքյան էջում գրել է նախարարը և լուսանկարներ հրապարակել: