Հիմնական անելիքները տեղափոխվում են այն օրակարգ, որին բոլորդ սպասում եք․ վաղը նույնպես կազմակերպելու ենք ակցիաներ․ Բագրատ Սրբազան

Հիմնական անելիքները տեղափոխվում են այն օրակարգ, որին բոլորդ սպասում եք։

Այս մասին Սուրբ Աննա եկեղեցու բակում հայտարարել է Բաբրատ Սրբազանը։

«Ցանկանում ենք մեր նախանշած ծրագիրն այս շաբաթվա մեջ ավարտել։ Այսօր մենք հանդիպել ենք կուսակցությունների հետ` «Լուսավոր Հայաստան» կուսակցության, Դեմոկրատական կուսակցության, «ՀայաՔվե» նախաձեռնության ներկայացուցիչների հետ։ Մեր նպատակն է քաղաքական ամբողջ ներկապնակին տեսնել, ու բոլորը միասին պետք է հանդիպեն։

Մինչև այս շաբաթվա վերջ կշարունակենք հանդիպել տարբեր ուժերի ներկայացուցիչների հետ։ Թվով 101 գիտնական, գիտաշխատող և տարբեր ոլորտի մասնագետներ պահանջել են մարդու (վարչապետի) հրաժարականը» ,- ասել է Բագրատ Սրբազանը։

«Խաղաղության պայմանագիրը պիտի լինի մեր շահերով պայմանավորված։ Խաղաղության պայմանագրում շատ բաներ կա, որոնք պիտի նշված լինեն, մինչև Արցախ վերադարձի խնդիրը» ,- հայտարարել է նա։

Վերջում Բագրատ Սրբազանը ավելացրել է, որ վաղը դարձյալ, որքան հնարավոր է պիտի կազմակերպեն դասադուլներ, ակցիաներ։

«Վաղը դարձյալ, որքան հնարավոր է կազմակերպում ենք դասադուլներ, ակցիաներ։

Հիմնական անելիքները կամաց-կամաց այն օրակարգն է տեղափոխվում և թելադրելու, որին բոլորդ սպասում եք»,-ասել է Բագրատ Սրբազանը։