Աննա Այվազյանը՝ սամբոյի Եվրոպայի չեմպիոն

Սերբիայում անցկացվող Սամբոյի Եվրոպայի երիտասարդների առաջնության 50 կգ քաշային կարգում Աննա Այվազյանը նվաճել է ոսկե մեդալ։

Հայտնում են Հայաստանի սամբոյի ֆեդերացիայից։

Անի Մարտիրոսյանը (54 կգ) արժանացել է բրոնզե մեդալի։

Հիշեցնենք, որ Հայաստանի սամբոյի հավաքականի անդամ Մայիս Ներսիսյանը ոսկե մեդալ է նվաճել Սերբիայի Նովի Սադ քաղաքում անցկացվող Եվրոպայի առաջնության մարտական սամբոյի 64 կգ քաշային կարգում:

Ներսիսյանը եզրափակչում 11:00 հաշվով վստահ հաղթանակ է տարել մրցակցի նկատմամբ ու հռչակվել Եվրոպայի չեմպիոն: