Եկեղեցին իր պատմական առաքելության մեջ է՝ ազգապաշտպանության և ազգապահպանության․ Արմեն Աշոտյան

ՀՀԿ փոխնախագահ, քաղբանտարկյալ Արմեն Աշոտյանը շարունակում է «Նուբարաշեն» ՔԿՀ-ից հեռավար կարգով պատասխանել քաղաքացիների հարցերին։

Տիգրան Ասատրյանը եկեղեցու առաջնորդությամբ ժողովրդական պայքարի մասին է հարց ուղղել։

Արմեն Աշոտյանը պատասխանել է․ «Եկեղեցին ճիշտ իր պատմական առաքելության մեջ է՝ ազգապաշտպանության և ազգապահպանության: Հայ եկեղեցու դեմ իշխանական ոհմակի հարձակումները անակնկալ չեն, քանի որ եկեղեցին ոչ միայն հրաժարվեց մասը դառնալ Փաշինյանի օկուպացիոն արքունիքի, այլև տեսանելի և համոզիչ կերպով ընդլայնում է իր հեղինակությունը ժողովրդի մոտ: Նիկոլականների սատանայական ագրեսիան Առաքելական եկեղեցու հանդեպ ապացուցում է, որ նրանք ոչ թե այլ Աստված են դավանում, այլ առհասարակ անաստված են, ուստի՝ շատ ավելի վտանգավոր այս հանգամանքը նույնպես կանխատեսելի էր. ինչպես կարող էին հայրենիք, բարոյականություն, պատիվ չունեցող մարդիկ Աստված ունենալ…

Ժողովրդի պարագայում իրավիճակը չպիտի նմանվի Ավարայրի ճակատամարտից առաջ հայերի պահվածքի մասին դառը անեկդոտին։ Նիկոլից ազատվելը կնշանակի նաև ազատվել համազգային մահացու մեղքից»: