Ռուսաստանն արգելել է շաքարավազի արտահանումը մինչև ամառվա վերջ

Ռուսաստանի կառավարությունը մինչև օգոստոսի 31-ը եղեգնաշաքարի կամ ճակնդեղի շաքարի և քիմիապես մաքուր սախարոզայի արտահանման արգելք է սահմանել։ Եվրասիական տնտեսական միության (ԵԱՏՄ) երկրներ հնարավոր են առաքումներ հետևյալ ծավալներով՝ Հայաստան՝ 28 հազար տոննա, Բելառուս՝ 5 հազար տոննա, Ղազախստան՝ 120 հազար տոննա, Ղրղզստան՝ 28,5 հազար տոննա։ Այս մասին հաղորդում է KP.ru–ն։

«Որոշումն ուղղված է սննդամթերքի ներքին շուկայի կայունության պահպանմանը»,- ասվում է կառավարության հաղորդագրության մեջ։