Թուրքիան հարգում է Սիրիայի տարածքային ամբողջականությունը. մենք անհրաժեշտ ենք համարում Սիրիայում նոր սահմանադրության արագ ընդունումը․ Թուրքիայի պաշտպանության նախարար

Թուրքիան հարգում է Սիրիայի տարածքային ամբողջականությունը, բանակցում է սիրիական խնդրի լուծման համար և կարծում է, որ դրան կնպաստի հարևան երկրում նոր սահմանադրության շուտափույթ ընդունումը։

Այս մասին CNN TÜRK-ի եթերում հայտարարել է հանրապետության պաշտպանության նախարարության ղեկավար Յաշար Գյուլերը, փոխանցում է ՏԱՍՍ-ը։

«Մենք ակնկալիքներ ունենք սիրիական ռեժիմից, մենք հարգում ենք մեր բոլոր հարևանների սահմաններն ու տարածքային ամբողջականությունը, մենք բանակցություններ ենք վարում, այդ թվում՝ Աստանայում։

Մենք բացահայտ ասում ենք՝ ընդունեք սահմանադրություն։ Եթե դուք Բաշար ալ-Ասադ, հաղթեք, մենք կասենք, որ կբանակցենք ձեզ հետ, կամ կբանակցենք ընտրություններում հաղթողների հետ»,- ասել է Գյուլերը՝ խոսելով սիրիա-թուրքական հարաբերությունների կարգավորման շուրջ ստեղծված իրավիճակի մասին։