Տավուշցիները բացեցին ճանապարհը․ գյուղերի վարչական ղեկավարները կհանդիպեն Մհեր Գրիգորյանի հետ

Քաղաքացիները բացում են Երևան-Թբիլիսի միջպետական ճանապարհը։

Տավուշի սահմանամերձ 4 գյուղի վարչական ղեկավարներն ապրիլի 22-ին հանդիպելու են փոխվարչապետ Մհեր Գրիգորյանի հետ: 

Այդ մասին լրագրողներին հայտնել է Կիրանցի վարչական ղեկավարը։

Քննարկվելու են սահմանի հետ կապված հարցերը, ներկայացվելու են բնակիչների մտահոգությունները:

Հիշեցնենք, որ տավուշցիները Երևանի ու Բաքվի երեկվա պայմանավորվածություններից հետո, ի նշան բողոքի, փակել են Երևան-Թբիլիսի ճանապարհը։

Հիշեցնենք` Հայաստանի և Ադրբեջանի սահմանազատման հարցերով հանձնաժողովներն ապրիլի 19-ին պայմանավորվել են սահմանազատումը սկսել Տավուշի մարզից։