Մեծ է վտանգը, որ Ադրբեջանը, Թուրքիան ու Անգլիան կփորձեն զորք մտցնել Սյունիքի մարզ․ Նաիրի Հոխիկյան

Միայն նշեմ, որ յուրաքանչյուր տարածաշրջանային հակամարտություն իր հետ բերում է այլ անկանխատեսելի զարգացումների, ուստի մենք պետք է առավել քան զգոն լինենք։

Իրանի սահմանակից շրջաններում անհրաժեշտ է ուժեղացնել սահմանային հսկողությունը, իսկ բնակավայրերում կարգի բերել ապաստարանները։

 

Եթե Իսրայելը և նրա դաշնակից երկրները հարձակվեն Իրանի վրա, հավանական է, ռումբեր ու հրթիռներ պատահական կամ "պատահական" կընկնեն նաև մեր տարածքում, ուստի մեր բնակիչները պետք է իմանան' ինչ անել նման դեպքում։

 

Մեծ է վտանգը, որ Ադրբեջանը, Թուրքիան ու Անգլիան կօգտվեն տարածաշրջանային հակամարտությունից ու կփորձեն զորք մտցնել Սյունիքի մարզ, ուստի պետք է ուժեղացնել հատկապես Երասխի, Ջերմուկի, Գորիսի, Սիսիանի, Կապանի, Մեղրիի դիրքերը, զորքը պահել ուժեղացված մարտական պատրաստության վիճակում։

 

Դա պարտադիր անհրաժեշտություն է երկրի անվտանգության տեսանկյունից։

 

Իհարկե, ինձ կարձագանքեն, թե այս իշխանությունը չի անի նման բան, բայց ես ասում եմ ոչ թե քաղաքական իշխանության, այլ զինվորականների համար։