Ռոնալդուն կարմիր քարտ է ստացել մրցակցին հարվածելու համար (լուսանկարներ)

Սաուդյան Արաբիայի Սուպերգավաթի կիսաեզրափակիչ խաղում «Ալ Հիլալ»-ը հաղթել է «Ալ Նասր»-ին: Հանդիպումն ավարտվել է 2։1 հաշվով։ 

86-րդ րոպեին «Ալ-Նասր»-ի հարձակվող Կրիշտիանու Ռոնալդուն կարմիր քարտ է ստացել մրցակցին արմունկով հարվածելու համար։ Ռոնալդուն չի համաձայնվել խաղադաշտից հեռացմանը, ինչից հետո պորտուգալացին բռունցք է բարձրացրել մրցավարի ուղղությամբ, գրում է Daily Mail-ը։

Երբ նա հեռանում էր խաղադաշտից, հարձակվողը ցուցադրաբար ծափահարել է մրցավարին։

Ընդհանուր առմամբ, 39-ամյա Ռոնալդուն «Ալ Նասր»-ի կազմում անցկացրած 37 խաղում դարձել է 36 գոլի և 12 գոլային փոխանցման հեղինակ: 39-ամյա պորտուգալացու պայմանագիրն ակումբի հետ նախատեսված է մինչև 2025 թվականի ամառը։