Օրսկի իշխանությունները հայտնել են չորս մարդու մահվան մասին (տեսանյութ)

Հեղեղված Օրսկում չորս մարդ է մահացել, նրանց մահը կապված չէ ջրհեղեղի հետ. ՌԻԱ Նովոստիին հայտնել են քաղաքապետարանից։

«Չորս մարդ մահացել է: Երկուսը սրտի կաթված են ստացել, մեկը մահացել է բնական պատճառներով, իսկ մյուսը ինքնասպանություն է գործել: Ջրհեղեղի հետևանքով մահվան դեպքեր չեն գրանցվել», - ՌԻԱ Նովոստիին պարզաբանել են Օրսկի քաղաքապետարանից:

Ավելի վաղ շրջանային իշխանությունները գործակալությանը պաշտոնապես հայտնել էին, որ Օրսկում երկու տարեց տղամարդ է մահացել, նրանց դիերը հայտնաբերվել են իրենց տներում։ Ըստ փորձագետների՝ թոշակառուները չեն մահացել ջրահեղձվելու պատճառով։

Ուրբաթ օրը՝ ապրիլի 5-ին, ճեղքվել է ամբարտակը, որը պաշտպանում էր քաղաքը Ուրալ գետից։ Արդյունքում մարդկանց զանգվածային տարհանում է սկսվել Հին քաղաքից, որտեղ գտնվում են մի քանի գյուղեր։ Հեղեղված տարածքից տարհանվածների համար պատրաստվել են ժամանակավոր կացարաններ։

Արտակարգ իրավիճակների նախարարությունը Օրենբուրգի մարզում հեղեղումների իրավիճակը ծանր է գնահատում։ Տարածաշրջան է ժամանել Ռուսաստանի Դաշնության արտակարգ իրավիճակների նախարարության ղեկավար Ալեքսանդր Կուրենկովը։

Կադրերը՝ այստեղ