Էմինեմն այս տարի ստուդիական ալբոմ կթողարկի

Ամերիկացի ռեփեր Էմինեմը պատրաստվում է վերջին չորս տարում իր առաջին ստուդիական ալբոմը թողարկել, ինչի մասին է  հայտնել է նրա մտերիմ ընկեր Դաքթըր Դրեն:

Նա այս մասին պատմել է Jimmy Kimmel Live շոուի ժամանակ՝ ուրախացնելով ռեփերի երկրպագուներին: Նա նշել է, որ դա 2024-ին տեղի կունենա:

51-ամյա Էմինեմը 2020-ին թողարկել է 11-րդ ստուդիական ալբոմը՝ Music To Be Murdered By-ը:

«Հիմա ձեզ մի բան կասեմ։ Էմինեմն աշխատում է սեփական ալբոմի վրա, որը լույս կտեսնի այս տարի: Ալբոմը զիլ է: Իրականում ես վաղը առաջին անգամ կլսեմ ամբողջ ալբոմը», - պատմել է Դաքթըր Դրեն: