Մակրոնն Ուկրաինայի դաշնակիցներին կոչ է արել «վախկոտ» չլինել

Ֆրանսիայի նախագահ Էմանուել Մակրոնը երեքշաբթի օրը հայտարարել է, որ ժամանակն է, որ Ուկրաինայի դաշնակիցներն ակտիվանան՝ ընդգծելով, որ այժմ վախկոտություն դրսևորելու ժամանակը չէ, հայտնում է Reuters-ը։

«Մենք, անշուշտ, մոտենում ենք մի պահի, երբ մեր Եվրոպայում տեղին է վախկոտ չլինել», - ասել է Մակրոնը Պրահայում ապրող ֆրանսիացի գաղթականներին:

Մեկնաբանելով ռուսական զորքերի մուտքն Ուկրաինա՝ Մակրոնն ասել է, որ Ֆրանսիան և Չեխիան «հիանալի հասկանում են, որ պատերազմը վերադարձել է մեր հող (Եվրոպայում), որ որոշ տերություններ, որոնք դարձել են անկասելի, մեծացնում են մեր վրա հարձակվելու սպառնալիքն ամեն օր, և որ մենք ստիպված ենք ապրել պատմությանը և այն խիզախությանը համապատասխան, որը նա պահանջում է»:

Ակնկալվում է, որ Պրահա իր այցի ընթացքում Մակրոնը կքննարկի նաև անցյալ ամիս Չեխիայի կողմից հայտարարված ծրագրերի աջակցությունը Կանադայի, Դանիայի և այլ երկրների աջակցությամբ՝ ֆինանսավորելու երրորդ երկրներից ուղարկվող հարյուր հազարավոր զինամթերքի արագ գնումն՝ Ուկրաինա ուղարկելու համար։