Վերին Լարսի անցակետով հայկական ավտոմեքենաների ելումուտը կարգելվի

ՀՀ-ի՝ Եվրամիության անդամության թեկնածու դառնալու խոսակցությունների ֆոնին ակտիվանում են ՌԴ-ի հետ հարաբերություններն աստիճանաբար դադարեցնելու մասին լուրերը:

1or.am-ի տեղեկություններով՝ Ռուսաստանի Դաշնությունում որոշում է կայացվել մարտի 6-ից Վերին Լարսի անցակետով հայկական ավտոմեքենաների ելումուտը արգելելու մասին:

Հիշեցնենք, որ Լարսի անցակետը կամ Վերին Լարսի անցակետը գտնվում է Ռուսաստանի և Վրաստանի սահմանին։ Այն ցամաքային միակ ճանապարհն է, որով հնարավոր է օրինական եղանակով հատել ռուս-վրացական սահմանը։ Լարսի անցակետ ասելով՝ նկատի ունենք նաև Հայաստանը Ռուսաստանին կապող միակ ցամաքային ուղին։ Լարսի անցակետով Հայաստանը միավորվում է նաև ԵԱՏՄ երկրների հետ։