Հայ պատանի ըմբիշը՝ Ռոստովի բաց առաջնության լավագույն մարզիկ

Բատայսկի պատանի մարզիկ Գագիկ Պետրոսյանը հաղթանակ է տարել հունահռոմեական ոճի ըմբշամարտի բաց առաջնությունում: Մրցումներն անցկացվել են փետրվարի 24-ին Դոնի Ռոստովում։

Մրցաշարը համախմբել էր շուրջ 200 ըմբիշների Ռոստովի մարզի տարբեր անկյուններից և հարևան շրջաններից: Տղաները մրցում էին տարբեր տարիքային և քաշային կարգերում:

12-ամյա Գագիկ Պետրոսյանը հանդես է եկել 41 կգ քաշային կարգում։ Մարզիկը բարձր արդյունք է ցույց տվել՝ ժամկետից շուտ հաղթելով բոլոր հինգ գոտեմարտերում՝ ոչ մի միավոր չզիջելով մրցակիցներին։

Նա պարգևատրվել է իր կատեգորիայի առաջին տեղի համար, ինչպես նաև ճանաչվել է մրցաշարի լավագույն անդամ՝ ստանալով ևս մեկ անձնական գավաթ՝ լավագույն տեխնիկայի և նետման համար: Երկրորդ տեղը գրավել է Արկադի Բաբայանի սան Դավիթ Սարուխանյանը 48 կգ քաշային կարգում: