Բելառուսի ՊՆ-ն հորդորել է մի կողմ թողնել Հայաստանի՝ ՀԱՊԿ-ին անդամակցության հետ կապված քաղաքական հայտարարությունները
ՔԱՂԱՔԱԿԱՆՈՒԹՅՈՒՆ
Հավաքական անվտանգության պայմանագրի կազմակերպության (ՀԱՊԿ) անդամ երկրների զինված ուժերն աշխատում են ըստ առկա ծրագրերի, կազմակերպության աշխատանքներին Հայաստանի մասնակցության հարցի շուրջ եզրակացություններ անելը վաղաժամ է։ Այս մասին հայտարարել է Բելառուսի պաշտպանության նախարարության միջազգային ռազմական համագործակցության վարչության պետ Վալերի Ռեվենկոն։
«Ինչ վերաբերում է ՀԱՊԿ շրջանակներում համագործակցությանը, ապա եզրակացություններ անելը, կարծում եմ, վաղաժամ է։ Կան քաղաքական հայտարարություններ, կան հարաբերություններ զինված ուժերի միջև, մենք ծրագրեր ունենք, աշխատում ենք դրանց համաձայն», - ասել է նա STV-ի եթերում:
Բելառուս պաշտոնյան կոչ է արել մի կողմ թողնել քաղաքական հայտարարությունները և զարգացնել համագործակցությունը։
«Այդ պատճառով եկեք քաղաքական հայտարարությունները թողնենք մի կողմ և ամեն դեպքում զարգացնենք հարաբերությունները մեր այսօրվա ՀԱՊԿ գործընկեր Հայաստանի հետ»,- հայտարարել է Ռեվենկոն։
