Հայտնի են BAFTA մրցանակաբաշխության հաղթողները. «Օպենհայմեր»-ը հաղթել է 7 անվանակարգում
ՄՇԱԿՈՒՅԹ
Լույս փետրվարի 19-ը Լոնդոնի Royal Festival Hall-ում տեղի է ունեցել կինոաշխարհի ամենահեղինակավոր մրցանակաբաշխություններից մեկը՝ Կինոյի և հեռուստատեսային արվեստների բրիտանական ակադեմիայի մրցանակի (BAFTA) շնորհման 77-րդ արարողությունը։ Հաղթողների ցանկը հասանելի է մրցանակաբաշխության կայքում:
Լավագույն ֆիլմ է ճանաչվել Քրիստոֆեր Նոլանի «Օպենհայմեր»-ը, որը երեկոյի ընթացքում ամենաշատ մրցանակներ ստացած կինոնկարն է:
Լավագույն բրիտանական ֆիլմ է ճանաչվել «Հետաքրքրությունների գոտի»-ն:
Որպես լավագույն ռեժիսոր պարգևատրվել է Քրիստոֆեր Նոլանը («Օփենհայմեր»), լավագույն դերասան՝ Քիլիան Մերֆին («Օփենհայմեր»), լավագույն դերասանուհի՝ Էմմա Սթոունը («Խեղճ արարածներ»):
Երկրորդ պլանի լավագույն դերասան է ճանաչվել Ռոբերտ Դաունի կրտսերը («Օփենհայմեր»), երկրորդ պլանի լավագույն դերասանուհի՝ Դավան Ջոյ Ռենդոլֆը («Լքյալները»):
«Լավագույն օրիգինալ սցենար» անվանակարգում հաղթել է «Անկման անատոմիա» ֆիլմը:
«Ֆիլմի լավագույն երաժշտություն», «Լավագույն օպերատորական աշխատանք», «Լավագույն մոնտաժ» անվանակարգերում հաղթել է «Օփենհայմեր»-ը
Լավագույն վավերագրական ֆիլմ է ճանաչվել «20 օր Մարիուպոլում»-ը:
