Փորձագետ Կոշկին. իրավիճակը Ադրբեջանի և Հայաստանի սահմանին վատթարացել է
ՎԵՐԼՈՒԾՈՒԹՅՈՒՆՆԵՐ
Voennoedelo.com–ը գրում է, որ ռազմական փորձագետ Անդրեյ Կոշկինը կարծում է, որ Հայաստանի և Ադրբեջանի միջև լարվածությունը ծառայում է երրորդ երկրների շահերին և ստեղծվում է Ռուսաստանին վնաս հասցնելու նպատակով։ Նրա կարծիքով, երկու պետությունների սահմանին ներկա սրացումը դժվար թե լուրջ հետևանքների հանգեցնի։
«Ծանր մարտերի հետևանքները այդքան արագ չեն անհետանում։ Ավելին, այնտեղ ընթանում է սահմանների սահմանազատման և ապառազմականացման կարևոր գործընթաց։ Դա միշտ էլ պահանջ է մի կողմից մյուսին և հակառակը»,– ասել է նա։
Կոշկինը նաև նշել է, որ Ռուսաստանն այժմ ձեռնարկում է բոլոր հնարավոր միջոցները իրավիճակի հետագա սրումը կանխելու համար։ Նա նաև կարծում է, որ Հյուսիսային Կովկասի տարածաշրջանում իրավիճակի սրմամբ և Ռուսաստանի վրա ճնշում գործադրելու մեջ շահագրգռված այլ պետությունների ներկայությունը էական դեր է խաղում Հայաստանի և Ադրբեջանի միջև հարաբերությունների ներկայիս վատթարացման գործում։
Նյութը հրապարակման պատրաստեց Կամո Խաչիկյանը
