Հայ-ադրբեջանական սահմանին տիրող իրավիճակի մասին ՀԱՊԿ հայտարարությունը հնչում է որպես սպառնալիք. փորձագետ

Եթե ՀԱՊԿ-ն ասի, որ տեսնում է տարածաշրջանում հակամարտության սրման հավանականություն, ապա կարող է մեկ հայտարարությամբ նվազեցնել այդ ռիսկերը. Այս մասին NEWS.am -ի թղթակցի հետ զրույցում ասաց քաղաքագետ Արմեն Բաղդասարյանը։

«Դրա համար ՀԱՊԿ-ը պետք է հայտարարի, որ նոր ագրեսիայի դեպքում կազմակերպությունը լիովին կկատարի իր դաշնակցային պարտավորությունները։ Եթե ՀԱՊԿ-ը նման հայտարարություն չի անում, ապա կարող է նման ագրեսիա հրահրել կամ առաջարկել։ Երեւանի ու ՀԱՊԿ-ի հարաբերությունների վատթարացումը նույնպես վերջինիս մեղքն է։ Նախկինում այնպիսի իրավիճակ էր ստեղծվել, որ ՀԱՊԿ-ը պետք է աջակցություն ցուցաբերեր Հայաստանին, բայց դա չարեց։

ՀԱՊԿ անհանգստության մասին հայտարարությունը ցինիզմ է պարունակում: Այն հնչում է որպես սպառնալիք՝ 2020 թվականի նոյեմբերի 9-ի հայտարարության դրույթներին չհամապատասխանելու դեպքում»,- նշել է Բաղդասարյանը։

ՀԱՊԿ-ը հայ-ադրբեջանական սահմանին հակամարտային ներուժը բարձր է համարում: