Ֆրանսիայի, Գերմանիայի և Լեհաստանի ԱԳ նախարարները կոչ են արել Հարավային Կովկասում արդար և կայուն խաղաղություն հաստատել

Վայմարի եռանկյունու շրջանակում կայացած հանդիպման արդյունքներով Ֆրանսիայի, Գերմանիայի և Լեհաստանի արտգործնախարարները համատեղ հայտարարություն են տարածել, որում անդրադարձ է եղել նաև Հարավային Կովկասում տիրող իրավիճակին։

«Մենք կոչ ենք անում արդար և կայուն խաղաղություն հաստատել Հարավային Կովկասում և աջակցում ենք Եվրամիության և Ամերիկայի Միացյալ Նահանգների միջնորդական ջանքերին՝ նպաստելու Հայաստանի և Ադրբեջանի միջև երկխոսությանը։ Մենք վերահաստատում ենք մեր աջակցությունը Հարավային Կովկասի պետությունների ինքնիշխանությանը, անկախությանը և տարածքային ամբողջականությանը»,- ասված է հայտարարության մեջ։