Իրկուտսկում շաուրմայից թունավորվել է 16 մարդ, այդ թվում՝ երեխաներ
ՄԻՋԱԶԳԱՅԻՆ
Իրկուտսկում շաուրմայից զանգվածային թունավորման դեպք է գրանցվել. ընդհանուր առմամբ, թունավորվել է 16 մարդ։
Ինչպես «Կոմերսանտ»-ին հայտնել է վերահսկող մարմինների աղբյուրը, ինը քաղաքացի, այդ թվում՝ երկու երեխա, հոսպիտալացվել են:
«Ռոսպոտրեբնադզոր»-ի տվյալներով՝ սուր աղիքային վարակ է հայտնաբերվել 11 մարդու մոտ։
«Շաուրմա վաճառող սննդի կետ այցելելուց հետո մարդիկ սննդային թունավորման ախտանիշներով դիմում են հիվանդանոցներ: Նոր հոսպիտալացումներ դեռ չկան»,- նշել է աղբյուրը։
