Մի քանի րոպե տարբերությամբ Իլհամ Ալիևը և Նիկոլ Փաշինյանը նույն տեքստերն են արտաբերել. Քաղաքագետ

Մի քանի րոպե տարբերությամբ Իլհամ Ալիևը և Նիկոլ Փաշինյանը նույն տեքստերն են արտաբերել և երկուսն էլ հայտարարել են Հայաստանի Սահմանադրությունը փոխելու և Անկախության հռչակագրից հրաժարվելու անհրաժեշտության մասին։ Այս մասին Facebook-ի իր էջում գրել է քաղաքագետ Բենիամին Մաթեւոսյանը:

Նա նաեւ նշել է. «Ավելին, մենք արդեն հատել ենք այդ Ռուբիկոնը, որից այն կողմ Իլհամ Ալիևը չի թաքցնում, որ «կառավարման վահանակը Նիկոլ Փաշինյանից և ողջ Հայաստանից» անձամբ իր ձեռքում է։

Ալիևը նաև ցույց տվեց, որ «չի խղճա Փաշինյանին» և պահանջելու է վերանայել ոչ միայն Սահմանադրությունը, այլ Հայաստանի գրեթե ողջ օրենսդրությունը։ Փաշինյանը «անսահմանափակ քարտ» է («безлимитная карта») Բաքվի և Անկարայի համար, և Թուրքիան և Ադրբեջանը մտադիր են այս «անսահմանափակ» քարտն ամբողջությամբ օգտագործել։

Կարևոր է նաև, որ այսօր արդեն կարող եք բաց տեքստով ասել, որ Սահմանադրությունը փոխելու հանրաքվեի գնալով և «ԿՈՂՄ» քվեարկելով՝ կողմ եք քվեարկելու Ալիևի՝ Հայաստանի ղեկավար դառնալուն։

Ինքներդ Ձեզ մի խաբեք, սա կլինի ոչ թե նոր Սահմանադրություն ընդունելու պլեբիսցիտ, այլ Իլհամ Ալիևին Հայաստանի կառավարման մանդատ տրամադրելու քվեարկություն։