Արագած Ախոյանն ազատ է արձակվել

ԱԺ նախկին պատգամավոր Արագած Ախոյանն ազատ է արձակվել․ լուրը հայտնեց նրա փաստաբան Գոռ Վարդանյանը։

«Մեղադրական եզրակացություն է կայացվել, պատիժը նշանակվել է կարճաժամկետ ազատազրկումը՝ 2 ամիս ժամկետով, բայց քանի որ Արագած Ախոյանը 3 ամիս կալանքի տակ է գտնվել, պատժի կրումից ազատվել է։ Այս պահին նա ազատության մեջ է»,- ասաց փաստաբանը՝ տեղեկացնելով, որ դատավճիռը բողոքարկելու են Վերաքննիչում, քանի որ դեմ են մեղադրական որոշմանը։

Հիշեցնենք, որ 2023 թ. նոյեմբերի 7–ին ԱԺ նախկին պատգամավոր Արագած Ախոյանը կալանավորվել էր` 2023 թ. հունիսի 8-ին «Ֆեյսբուք» սոցիալական ցանցի իր էջում հրապարակած գրառման համար։ Ըստ ՀՀ քննչական կոմիտեի` Ախոյանն այդ օրը հնչեցրել է բռնություն գործադրելու հրապարակային կոչեր։

Նարե Գնունի