Իսրայելի պարտության մասին կանխատեսումներն իրականանում են. Այաթոլլահ Խամենեի
ՄԻՋԱԶԳԱՅԻՆ
Գազայի հատվածի վրա Իսրայելի հարձակումից մոտ 100 օր անց, նրա պարտության մասին կանխատեսումներն իրականանում են, «քանի որ Պաղեստինի դիմադրությունը կհաղթի», - ասել է Իսլամական հեղափոխության առաջնորդ Այաթոլլահ Ալի Խամենեին, հաղորդում է Tasnim-ը:
Նա Գազայում եռամսյա հակամարտությունը համարեց «անմոռանալի միջադեպ, որը հավերժ կմնա պատմության մեջ»:
«Նույնիսկ այս ռեժիմի կործանումից և երկրի երեսից ջնջվելուց հետո այդ հանցագործությունները չեն մոռացվի և կմնան պատմության մեջ։ Նրանք մի քանի շաբաթվա ընթացքում սպանեցին հազարավոր երեխաների։ Սակայն Պաղեստինի ժողովրդի համբերությունն ու դիմադրությունը ստիպեցին նրան նահանջել»,- ասել է այաթոլլ Խամենեին։
Նա ընդգծել է, որ Իսրայելին դեռ չի հաջողվել ոչնչացնել ՀԱՄԱՍ-ը։
«Նրանք ասացին, որ կոչնչացնեն ՀԱՄԱՍ-ը և դիմադրությունը և կտեղափոխեն Գազայի բնակիչներին: Բայց նրանք ձախողվեցին, և այսօր դիմադրությունը մնում է ամուր, եռանդուն և լիովին պատրաստված, իսկ Սիոնիստական ռեժիմը հյուծված է, նվաստացած և ափսոսանքով լի: Սիոնիստական ռեժիմի իրական էությունը բացահայտվել է»,- ասել է Այաթոլլահ Խամենեին:
