Իշխանությունները փնտրում են ՍԴ դատավորի ցանկալի թեկնածուի. «Ժողովուրդ»

«Ժողովուրդ» օրաթերթը գրում է. «Քաղաքական իշխանությունները դատական համակարգում փնտրտուքների մեջ են. ՍԴ դատավոր անդամի թափուր տեղի համար իրենց ցանկալի թեկնածուին են փնտրում: Ինչպես հայտնի է, Սահմանադրական դատարանի դատավոր Արայիկ Թունյանը հրաժարական տվեց, եւ ԱԺ-ն, հիմք ընդունելով հրաժարականի մասին դիմումը և առաջնորդվելով «Ազգային ժողովի կանոնակարգ» սահմանադրական օրենքի 147-րդ հոդվածի 2-րդ մասով, 2024 թվականի հունվարի 4-ից դադարած համարեց Սահմանադրական դատարանի դատավոր Արայիկ Թունյանի լիազորությունները:

Նշենք, որ Թունյանն ընտրվել է Եվրասիական տնտեսական միության դատարանի դատավոր և այդ պատճառով հրաժարական տվեց ՍԴ դատավորի պաշտոնից:

Իսկ ո՞վ պետք է զբաղեցնի Թունյանի տեղը: Դատական համակարգից մեզ հասած լուրերի համաձայն՝ գնդակը դատավորների դաշտում է, եւ Դատավորների ընդհանուր ժողովը Սահմանադրական դատարանի դատավորի թեկնածու պետք է ներկայացնի, ու դատավորները ընտրեն նրան, ապա՝ գործուղեն ԱԺ: Դատական համակարգից մեզ հասած լուրերի համաձայն՝ կլինեն դատավորներ, որոնք կցանկանան գնալ ՍԴ, սակայն մտավախություն ունեն, որ քաղաքական իշխանությունները անցանկալի թեկնածուների մուտքը կփակեն եւ իրենց ցանկալիին կուղարկեն բարձր դատարան: Ահա այս մթնոլորտում իշխանությունները փնտրում են ցանկալի թեկնածուի»:

Մանրամասները՝ «Ժողովուրդ» օրաթերթի այսօրվ համարում: