Ղարաբաղում ռուս խաղաղապահների գտնվելու ժամկետը նախատեսված է մինչև 2025 թ-ի նոյեմբեր

Ադրբեջանի ԱԳ նախարար Ջեյհուն Բայրամովը խոսել է Ղարաբաղում ռուս խաղաղապահների հետագա ճակատագրի մասին: Ինչպես հաղորդում է APA գործակալությունը, այս մասին Ադրբեջանի արտաքին գործերի նախարար Ջեյհուն Բայրամովը հայտարարել է նախարարության տարեվերջյան հաշվետու նիստում ունեցած ելույթի ժամանակ:

«Փաստն այն է, որ կա եռակողմ հայտարարություն։ Այն ստորագրված է առաջնորդների մակարդակով։ Նրանց Ղարաբաղում գտնվելու ժամկետը նախատեսված է մինչև 2025 թվականի նոյեմբեր», - նշել է նախարարը։