ԵՄ-ից Ուկրաինային տրամադրվող ֆինանսական աջակցությունը չի փոխի ռազմական գործողությունների ընթացքը. Պեսկով

ՌԴ նախագահի մամուլի քարտուղար Դմիտրի Պեսկովը հայտարարել է, որ ԵՄ երկրների ֆինանսական աջակցությունը Ուկրաինային չի փոխի երկրի տարածքում ռազմական գործողությունների ընթացքը։ Բրյուսելը, նրա խոսքով, Կիևին գումար է հատկացնում ի վնաս իր և իր արդյունաբերության, գրում է «Կոմերսանտը»։

«Հատուկ ռազմական գործողության ընթացքում իրադարձությունների ընթացքը փոխել այդ գումարները չեն կարող ... Մենք շարունակում ենք հատուկ ռազմական գործողությունը, մեզ համար գլխավորն այն նպատակներին հասնելն է, որոնք  դրված են մեր առջև»,- ասել Է Պեսկովը մամուլի ասուլիսի ժամանակ։

Նա հավելել է, որ գումարները հատկացվում են ի վնաս Եվրամիության երկրների տնտեսությունների, որոնք «առանց այդ էլ դժվար ժամանակներ են ապրում»: Ֆինանսական օգնությունը, ինչպես ասել է ՌԴ նախագահի մամուլի քարտուղարը, հատկացվում է ոչ թե ստեղծելու, այլ «պատերազմի եւ ռեժիմին աջակցելու համար»: Թե ինչ արդյունավետությամբ և ինչ նպատակներով են այդ գումարները ծախսվում Կիևում, ըստ նրա, հայտնի չէ։