Բելառուսի նախագահը վստահեցրել է, որ ԵԱՏՄ-ն արտաքին աշխարհից չի մեկուսանում
ՔԱՂԱՔԱԿԱՆՈՒԹՅՈՒՆ
ԵԱՏՄ-ն արտաքին աշխարհից չի մեկուսանում։ Այս մասին Սանկտ Պետերբուրգում ԵԱՏՄ գագաթնաժողովում հայտարարել է Բելառուսի նախագահ Ալեքսանդր Լուկաշենկոն, փոխանցում է БЕЛТА-ն։
«Մեր ինտեգրացիոն ասոցիացիան բաց է առաջատար տնտեսությունների հետ փոխշահավետ և հավասար համագործակցության համար: Մենք արտաքին աշխարհից չենք մեկուսանում, որքան էլ ինչ-որ մեկը դա ցանկանա»,- ասաց նա։
Լուկաշենկոն ընդգծել է, որ ԵԱՏՄ գործընկերները երկխոսություն են կառուցում հավասարության և շահերի հարգման պայմանների շուրջ։ «Վերջին օրինակն Իրանի հետ ազատ առևտրի գոտու ստեղծման համաձայնագրի ստորագրումն է։ Այսօր դա Մերձավոր Արևելքի ամենամեծ տնտեսությունն է՝ Մերձավոր Արևելքի և Հարավային Ասիայի հետ հարավային առևտրային ուղու առանցքային տարրը»,- նշել է Ալեքսանդր Լուկաշենկոն։
