Ի՞նչ աշխատանք է տարվում Հայաստանի և Ռուսաստանի միջև կենսաբանական անվտանգության ոլորտում

Գրիպի և կարմրուկի դեմ պատվաստումը մեր երկրների կենսաբանական անվտանգության հիմքն է։ Բայց կա նաև յուրահատուկ կենսաբանական անվտանգություն։ Դա այն է, ինչի մասին մենք արդեն խոսել ենք։ Խոսքը ԱՄՆ պաշտպանության նախարարության հետաքրքրության մասին է մեր լաբորատորիաների նկատմամբ, որտեղ կառուցել, որտեղ հարմարեցնել այն, ինչ ունենք։ Այս մասին ասել է ՌԴ Գիտությունների ակադեմիայի ակադեմիկոս, ՌԴ Կրթության ակադեմիայի փոխնախագահ Գենադի Օնիշչենկոն՝ պատասխանելով հարցին, թե ի՞նչ աշխատանքներ են տարվում Հայաստանի և Ռուսաստանի միջև  կենսաբանական անվտանգության ոլորտում փոխգործակցության հուշագրի շրջանակներում, որը  երկրները ստորագրել են 2021թ-ին։.

«Հուշագիրը վերաբերում է երկրորդ մասին։ Թեև աշխատանքներ են տարվում նաև կենսաբանական անվտանգության հիմքի ձևավորման շուրջ՝ պատվաստում, բոլոր վարակների դեմ կոլեկտիվ իմունիտետի ստեղծում և այլն։

Բացի այդ, տվյալներ են փոխանակվում   մեր երկրներում վարակիչ հիվանդությունների վիճակի վերաբերյալ։

Մեր երկկողմ հարաբերություններում կան նաև հարցեր՝ կապված բացահայտման միանման մեթոդիկաների հետ։ Տարբեր մեթոդիկաներն ունեն տարբեր զգայունություն և տարբեր արդյունքներ են տալիս: Հայաստանի և Ռուսաստանի միջև իրականացվում է նաև հետազոտությունների ներդաշնակեցում և կադրերի պատրաստում։

Ամենակարևորը ժամանակին միմյանց տեղեկացնելն է, թե ինչ է կատարվում մեր երկրներում։ Վարակը սահմաններ չունի, այն մարդկանց չի ընտրում՝ ելնելով քաղաքական համոզմունքներից կամ ազգային պատկանելությունից»,- հավելել է Օնիշչենկոն։