Մասիս-Նորամարգ ճանապարհի կամրջի վրա բախվել են բեռնատար ГАЗель-ը, Nissan-ն ու ВАЗ 21124-ը․ կան վիրավորներ
ՀԱՍԱՐԱԿՈՒԹՅՈՒՆ
Երեկ՝ դեկտեմբերի 13-ին, խոշոր ավտովթար է տեղի ունեցել Արարատի մարզում: Ժամը 18:30-ի սահմաններում Մասիս-Նորամարգ գյուղամիջյան ճանապարհի 2-րդ կմ հատվածում՝ կամրջի վրա, բախվել են Արմավիրի մարզի բնակիչ 42-ամյա Հովսեփ Գ.-ի վարած բեռնատար ГАЗель մակնիշի, Արարատի մարզի բնակիչներ 42-ամյա Նվեր Ա.-ի վարած ВАЗ 21124 մակնիշի և 35-ամյա Մարգարիտա Հ.-ի վարած Nissan Tida մակնիշի ավտոմեքենաները:
Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով Նվեր Ա.-ն և Մարգարիտա Հ.-ն մարմնական վնասվածքներով տեղափոխվել են «Մասիս» բժշկական կենտրոն:
Վիրավորներին առաջինը օգնության են հասել վթարի հարևանությամբ գործող գազալցակայանի աշխատակիցները, քաղաքացիներն ու «Մասիս» բժշկական կենտրոնի շտապօգնության բժիշկների հերթապահ խումբը, ովքեր վիրավորներին միչև հիվանդանոց տեղափոխելը տեղում առաջին բուժօգնություն են ցուցաբերել:
Ֆոտոլրագրողը հայտնում է, որ վթարի հետևանքով կամուրջը ամբողջությամբ փակվել էր և ճանապարհը դարձել էր անանցանելի:
Պարեկների այսքան շատ ժամանման պատճառը նրանում է, քանի որ նրանք վարորդներին հորդորում էին, որպեսզի շրջանցող փողոցներով երթևեկեն, մինչև դեպքի վայրում կաշխատի քննչական խումբը:
Վթարի փաստով քննչական բաժնում նախաձեռնվել է քրեական վարույթ:
