Միացյալ Թագավորության խորհրդարանն իր աջակցությունն է հայտնել Ադրբեջանի և Հայաստանի համատեղ հայտարարությանը

Մեծ Բրիտանիայի և Հյուսիսային Իռլանդիայի Միացյալ Թագավորության խորհրդարանն իր աջակցությունն է հայտնել դեկտեմբերի 7-ին Հայաստանի վարչապետի գրասենյակի և Ադրբեջանի նախագահի աշխատակազմի կողմից երկու երկրների միջև երկկողմ բանակցությունների արդյունքներով արված համատեղ հայտարարությանը։

Միացյալ Թագավորությունում Ադրբեջանի դեսպանատնից ԱՊԱ գործակալությանը հայտնել են, որ Համայնքների պալատի անդամ Դեյվիդ Դուքիդը խորհրդարանում իր ելույթի ժամանակ համատեղ հայտարարությունը պատմական իրադարձություն է անվանել։ Նա հետաքրքրվել է Ադրբեջանի և Հայաստանի միջև խաղաղության համաձայնագրի հասնելու ուղղությամբ բրիտանական կառավարության ջանքերով։

Մեծ Բրիտանիայի Եվրոպայի հարցերով ԱԳ նախարար Լեո Դոկերտին հայտարարել է, որ Ադրբեջանի և Հայաստանի համատեղ հայտարարությունը, որը «հաստատում է երկկողմ հարաբերությունները կարգավորելու մտադրությունը, հուսադրող է»։

Նախարարը նշել է, որ Լոնդոնը «լիովին աջակցում է Ադրբեջանի և Հայաստանի ջանքերին՝ հասնելու պատմական և տևական խաղաղության»։