Կարեն Կարապետյանին Արագածոտնի մարզում քրեական հեղինակություն է դիմավորել (տեսանյութ)
ՎԻԴԵՈՀՀ վարչապետ, ՀՀԿ առաջին փոխնախագահ Կարեն Կարապետյանին Արագածոտնի մարզի եզդիաբնակ գյուղերում դիմավորել է քրեական հեղինակություն Ջնդի Ամարյանը: Armtimes.com-ին հայտնի դարձավ, որ հանդիպումներից մեկը եղել է մարտի 25-ին Ալագյազ համայնքում, որը գրեթե ամբողջությամբ բնակեցված է եզդիներով: Կարեն Կարապետյանի այցից առաջ Ջնդի Ամարյանն է նախ եկել գյուղ, հանդիպումներ ունեցել այդ եւ հարակից գյուղերի գյուղապետերի հետ, որից հետո դիմավորել է Կարեն Կարապետյանին:
Մինչ վարչապետի Ալագյազ հասնելը, ելույթ է ունեցել ՀՀԿ-ի ցուցակով պատգամավորության թեկնածու Ռուստամ Մախմուդյանը: Նշենք, որ Մախմուդյանը ժամանակին հավակնել է դատավորի պաշտոնի:
Հիշեցնենք, որ 2012 թվականին իրավապահները զինաթափել էին Ջնդի Ամարյանի թիկնազորին: 2016 թվականի ապրիլի 2-ին էլ շորթման կասկածանքով ձերբակալվել, իսկ ավելի ուշ կալանավորվել էր Ամարյանը, որի ազատման համար եզդիական համայնքի որոշ ներկայացուցիչներ բողոքի ակցիաներ են անցկացրել Երեւան քաղաքում:
Առավել մանրամասն՝ տեսանյութում:
