Լավրովի ինքնաթիռը Հյուսիսային Մակեդոնիայից Մոսկվա է վերադարձել Հունաստանի և Թուրքիայի տարածքով

Ռուսաստանի արտգործնախարար Սերգեյ Լավրովի ինքնաթիռը ԵԱՀԿ ԱԳ նախարարների խորհրդից վերադարձել է Մոսկվա՝ Հունաստանի և Թուրքիայի տարածքներով  անցնող երթուղով,  Flightradar24 ավիացիոն թրեքերի տվյալների համաձայն։

Սկոպյեում Լավրովը մասնակցել է ԵԱՀԿ ԱԳ նախարարների խորհրդի լիագումար նիստին, մի քանի երկկողմ շփումներ է ունեցել և եռակողմ հանդիպում կազմակերպության ներկա և ապագա նախագահների հետ։ Նախարարը նաև մամուլի ասուլիս է տվել, որը համախմբել է ավելի քան 100 լրագրողների աշխարհի տարբեր ծայրերից և տևել  մոտ 1 ժամ 15 րոպե։

Չորեքշաբթի օրը Լավրովի ինքնաթիռը դեպի Սկոպյե թռիչք է կատարել ոչ թե Բուլղարիայի, այլ Հունաստանի տարածքով։ Ինչպես հայտնի է դարձել ՏԱՍՍ-ին, բուլղարական կողմը հրաժարվել է թույլ տալ ՌԴ ԱԳՆ ղեկավարի ինքնաթիռին թռիչքը, եթե ինքնաթիռում գտնվի ՌԴ դիվանագիտական ​​գերատեսչության պաշտոնական ներկայացուցիչ Մարիա Զախարովան։ ՌԴ նախագահի մամուլի քարտուղար Դմիտրի Պեսկովը Սոֆիայի այս որոշումը «անհեթեթ և հիմարություն» է անվանել։